Jemi ne të dy vetëm zemra ime! Unë nuk kam për të të lënë kurrë vetëm!

Pershendetje nena B&V!
Më kujtohen të qarat e mia kur isha studente dhe të gjithë dilnin për të festuar Shen Valentinin, ndërsa unë mbesja vetëm dhe më vjen të gajasem, me ato vuajtje të rinisë, që vetëm vuajtje nuk ishin...
Sot hyj në dhomën e engjëllit tim dhe imagjinoj sikur babi i tij, hyn në dhomë, i afrohet krevatit të vogël, përkëdhel djalin tonë, më puth fort mua dhe më jep dhuratën... Por asgjë... Vij në vete dhe dorëzohem nga ideja se ai mund të kthehet. Askush nuk e di forcën, që duhet të tregojë një nënë single, në ditën më të bukur të dashurisë. Nëse në Rini qanim për mosmarrjen e një dhurate pa vlerë, sot lutemi për kthimin e babit pranë nesh, duke e ditur se nuk do të kthehet më, të jetojë me ne. Një familje tjetër e ndjen pranë. Shtrëngoj fort në krahë djalin dhe e di që nesër për ne është një ditë pa dashurinë e babit. Nesër Shen Valentini është e gjitha për mua dhe engjëllin tim të vogël. Kam atë dhe nuk do doja gjë tjetër veç ti dhuroja praninë e babit.
Nuk qenka e thënë!
Jemi ne të dy vetëm zemra ime!
Unë nuk kam për të të lënë kurrë vetëm!
Do të përpiqem me thonj të të jap gjithçka të duhet dhe gjithë dashurinë time. Uroj të mjaftojë, sepse po të mundja do jepja jetën që të jetoje me babin!
Engjëlli im, mos ki frikë!
Ne do tja dalim së bashku!

Kjo histori ka mbërritur tek ne nëpërmjet This email address is being protected from spambots. You need JavaScript enabled to view it..

Nëse dëshironi te shtoni komentet tuaja apo të lexoni komentet e Bebevogëlusheve tona në Facebook ja linku përkatës

m.facebook.com/BebeVogelushe/photos/a.67...1&source=46&refid=17