Mora vesh, per shtatzanine e katërt dhe kur ia thashë tim shoqi, me tha duhet ta dështoj fëmijën..!

Te dashura nena!
Jam mamaja e 3 vajzave që janë frymëmarrja ime!
Para tre javesh mora vesh, per shtatzanine e katërt dhe kur ia thashë tim shoqi, me tha qe duhet ta dështoj.
Une as qe e coja neper mend nje gje te tille, por ai me kercenoi se do me linte.
U detyrova te lija takim me mjekun per te ndërprerë shtatzanine, por u pendova dhe i thashe tim shoqi se nuk pranoj.
Qe nga ai moment ai eshte i nxehur me mua, as nuk do qe tja hap kete teme.
I kam provuar të gjitha dhe nuk di si ta zgjidh kete problem!
Theksoj se burri e donte shumë nje djale, por pas tre gocave eshte dorëzuar! Ju lutem a mund te me keshilloni si te veproj?
Faleminderit!

E dashur nënë e faqes sonë!
Me vjen keq për situatën e keqe në të cilën ndodheni!
Ardhja në jetë e një foshnje duhet ta forcojë ciftin dhe jo ta ndajë atë.
Kuptoj dhimbjen tuaj dhe vlerësoj forcën me të cilën vendoset te dëgjoni zemrën, me gjithë kundërshtimin e bashkëshortit.
Me sa kuptoj ai i trembet idese se një vajze të katërt, kjo është arsyeja pse është tërhequr, gjë që e gjej tepër serioze dhe nje cështje për të cilën duhet të flisni dhe jo ta lini nderë, sepse do të sjellë më shumë pasiguri, frikë dhe carje në lidhjen tuaj martesore.
Kete duhet ta bëni mbi të gjitha per te risjellë qetesine e nevojshme gjatë shtatzanisë, por edhe të vajzave tuaja, te cilët e thithin si sfungjer trishtimin dhe shqetësimet tuaja.
Perderisa ju na shkruani se bashkeshorti nuk do të flasë, një ndihmë nga personat, familjare sidomos, te cilët ai u merr mendim dhe i dëgjon mendoj se do ta zhbllokonte gjendjen tuaj në cift.
Nese nuk arrini as në këtë mënyrë, një ndihmë profesionale mendoj se do t'ia vlente ta kërkonit.
Urojme me gjithë zemër qetesi shpirtërore dhe nje shtatzani sa me te lehtë!
Pershendetje të përzemërta!