Kam frike, kriza paniku, makthe... Mendoj se pas lindjes do t'i bëj keq foshnjës sime?

Te dashura nena dhe administratore te sitit Bebe&Vogëlushë!
Kam qe ne javet e para te shtatzanise qe ju ndjek dhe kam gjetur gjithnjë këshilla te vlefshme dhe mjaft qetesi duke ju lexuar.
Komentoj shpesh, por me pare nuk kam pasur probleme, qe tju kerkoj mendim.
Tani që jam ne muajin e gjashte te shtatzanise mendoj gjëra të tmerrshme, sidomos kur dëgjoj lajme apo ngjarjet qe po ndodhin kohet e fundit. Jetoj pertej oqeanit dhe nuk e kam familjen time afër! Kam frike, kriza paniku, makthe...
Mendoj se pas lindjes do t'i bëj keq foshnjës sime? A ka mundësi të arrij unë si nënë deri në këtë pikë?
E shoh veten në ëndërr sikur i kam bërë diçka të keqe vajzës dhe më kanë dënuar me burgim të përjetshëm ose me vdekje. Aktualisht unë po shkoj tek nje psikolog por nuk po shoh asnje permiresim.
Per kete doja te flisja edhe me ju! Ju lutem me ndihmoni! Jam e tmerruar nga kjo ide!

E dashur nënë e re e faqes sonë!
Qëndrimi larg familjes suaj është një nga faktorët që rëndojnë në gjendjen tuaj shpirtërore.
Frika se mund t'i bëjnë keq fëmijës suaj është një frikë, që mundon shpesh mamatë e reja.
Fillimi i trajtimit psikologjik me njerëz të specializuar është mjaft gjë e mirë për ju.
Edhe pse për momentin nuk keni parë përmirësime vazhdoni, sepse kjo është rruga më e drejtë.
Jepini kohë vetes, sepse mendimet e këqija që ju vijnë zakonisht tek mamatë e reja nuk tregojnë se do t'i vënë në jetë, por tregojnë për një shqetësim për jetën dhe mirëqenien e foshnjës së tyre.
Me ndihmën e psikologut jam e bindur, se do të gjeni arsyen dhe burimin e vërtetë të frikërave tuaja! Më pas do t'i jepni kuptim dhe do të jeni një nënë shumë e mirë!
Ju urojmë gjithë të mirat e kesaj bote!