Kushdo nga ju nëna do ti gjuante me shpullë fëmijës, sa ti hante krahu.

Jam shumë keq!
Ja t'ju tregoj pse.
Ju lutem të imagjinoni situatën dhe të mos më gjykoni, se me të vërtetë skena të ngrinte nervat dhe kushdo nga ju nëna do ti gjuante me shpullë fëmijës, sa ti hante krahu.
Dje në darkë i gjuajta me forcë djalit 8vjeç, se ngacmonte të vëllain 3vjeç me duar dhe këmbë poshtë tavolinës. I vogli na hapi kokën me të bërtitura, që vëllai i madh ta linte të qetë dhe të mos e ngacmonte, por ai nuk hiqte dorë. Për gati gjysmë ore e urdhëruam të hiqte dorë dhe të mos e ngacmonte më të vëllanë, por ai jo vetëm që nuk na dëgjonte, por na vinte në lojë ne prindërve, duke u gajasur pa pikë turpi dhe me sytë plot provokim dhe tallje.
Gjatë ditës babi ynë bën punë në ndërtim dhe kur kthehet në shtëpi nuk ka as fuqi të çojë kafshatën tek goja, aq i lodhur është, unë po kisha bërë një sherr me mamin e tim shoqi... dhe nuk durova dot. Kur e pashë që situata po degjeneronte dhe më rrëshqiti nga duart, i gjuajta me shpullë sa i lëshuan sytë xixa. Sot është i qetë dhe më kërkoi falje, por unë nuk arrij të fal veten. Nëse po më lexoni, mësoni se e di shumë mirë, që faji është i imi dhe nuk duhet të vë dorë, por më besoni nuk kisha zgjidhje tjetër. Mu duk sikur u çmend dhe as kishte ndërmend ta ndërpriste ngacmimin e të vëllait, ndërkohë ulërimat e këtij të fundit arritën kupën e qiellit.
Mos më dënoni me komentet tuaja, thjesht më thoni si do t'i jepnit fund gjithë asaj zallamahije?! Konkretisht si do bënit?

Ja dhe komentet e nënave tona në Facebook

m.facebook.com/story.php?story_fbid=9920...46307063333&refid=17